ნარჩენების მართვის ბიზნეს ასოციაციის აღმასრულებელი დირექტორი– ვანო მთვრალაშვილი და ვიცე–პრეზიდენტი– ნიკა ხოდელი , ევროკავშირის ფინანსური მხარდაჭერით, გაეროს განვითარების პროგრამისა (UNDP) და გაეროს სამრეწველო განვითარების ორგანიზაციის (UNIDO) ერთობლივი ინიციატივის – „მწვანე, ინკლუზიური და ცირკულარული ეკონომიკა: ნარჩენების შემცირება და გადამუშავება მოქალაქეთა ჯანმრთელობისთვის“ ფარგლებში, სასწავლო ტურში მონაწილეობდნენ, ასევე საქართველოში მოქმედი, მწარმოებლის გაფართოებული ვალდებულების ორგანიზაციის წარმომადგენლები და სხვადასხვა არასამთავრობო სტრუქტურის წევრები.
სასწავლო ტურის მთავარი მიზანი იყო, მონაწილეებისთვის ადგილზე შეესწავლათ, თუ როგორ იყო ორგანიზებული და განხორციელებული მწარმოებლის გაფართოებული ვალდებულების პასუხისმგებლობა (მგვ) შვედეთსა და ავსტრიაში.
პროგრამის ფარგლებში განსაკუთრებული ყურადღება ეთმობოდა შემდეგ საკითხებს:
•მგვ-ის პრინციპები და პრაქტიკა: შვედური და ავსტრიული წარმატებული გამოცდილების შესწავლა რეალურ სამუშაო გარემოში.
•მხარეთა როლები და პასუხისმგებლობები: მწარმოებლების, მგვ-ების, მუნიციპალიტეტების ფუნქციები.
•ნარჩენების მართვის ინფრასტრუქტურა: შეფუთვისა და სხვა ნარჩენების შეგროვების, სორტირებისა და გადამუშავების თანამედროვე სისტემები.
•ფინანსები და მმართველობა: დაფინანსების მექანიზმები, ანგარიშგება, მონიტორინგი და გამჭვირვალობა.
•საზოგადოების ჩართულობა: მოქალაქეებთან კომუნიკაცია და ცნობიერების ამაღლება.
•შედეგი საქართველოსთვის: შვედური და ავსტრიული პრაქტიკის რელევანტურობა და საქართველოს კონტექსტში ადაპტირების შესაძლებლობა.








