ნარჩენების მართვის ბიზნეს ასოციაციას (WMBA) ეწვია ფრანკფურტის ფინანსებისა და მენეჯმენტის სკოლის გუნდი, რომელიც ახორციელებს პროექტს „რეციკლირებისა და ცირკულარული ეკონომიკის საქმიანობების დაფინანსებაზე თანაბარი ხელმისაწვდომობის გაძლიერება საქართველოში“.
პროექტი ხორციელდება ევროკავშირის მიერ დაფინანსებული ერთობლივი პროგრამის- „მწვანე, ინკლუზიური და ცირკულარული ეკონომიკა: ნარჩენების შემცირება და გადამუშავება მოქალაქეების ჯანმრთელობისთვის“ ფარგლებში, რომელსაც UNDP და UNIDO ახორციელებენ.
შეხვედრაზე მხარეებმა განიხილეს:
- ასოციაციის საქმიანობა და წევრი კომპანიების ჩართულობა ზეთების, საბურავებისა და აკუმულატორების ნარჩენების მართვაში;
- სექტორის დაფინანსების საჭიროებები და არსებული გამოწვევები;
- დაფინანსების განაცხადების მომზადებაზე დაგეგმილ ტრენინგებში მონაწილეობის შესაძლებლობები;
- 2027 წლის დასაწყისიდან დაგეგმილი ფორუმები და შეხვედრები ფინანსურ ინსტიტუტებთან, მათ შორის ასოციაციის წევრი კომპანიების აქტიური ჩართულობა;
- სამომავლო თანამშრომლობის პერსპექტივები.
ნარჩენების მართვის ბიზნეს ასოციაცია და ფრანკფურტის სკოლის გუნდი აქტიურად გააგრძელებენ თანამშრომლობას ცირკულარული ეკონომიკის მხარდასაჭერად და სექტორის განვითარების ხელშესაწყობად.