სტუდია “ეკო-მედია”ახალი, თანამედროვე და ინოვაციური მედია სივრცე, სადაც გარემოსდაცვითი ცოდნა ცვლილებად იქცევა.

სტუდია „ეკო-მედია“  არის სივრცე, სადაც გარემოსდაცვითი ცოდნა ცვლილებად იქცევა.

სტუდია „ეკო-მედია“ შეიქმნა ნარჩენების მართვის ბიზნეს ასოციაციის ხელმძღვანელობით, როგორც სივრცე, რომელიც ხელს შეუწყობს გარემოსდაცვითი ცნობიერების ამაღლებას, განათლებას, დიალოგსა და თანამშრომლობას.

დღეს გარემოს დაცვა მხოლოდ ბუნების შენარჩუნებას აღარ ნიშნავს -ის პირდაპირ უკავშირდება ადამიანის ჯანმრთელობას, ცხოვრების ხარისხსა და ქვეყნის მდგრად განვითარებას. ნარჩენების არასწორი მართვა იწვევს ჰაერის, წყლისა და ნიადაგის დაბინძურებას, რაც ზრდის ჯანმრთელობის რისკებს და უარყოფითად აისახება როგორც ადამიანებზე, ისე ეკოსისტემებზე.

„ეკო-მედია“ სწორედ ამ გამოწვევებზე საპასუხოდ შეიქმნა. ეს არის თანამედროვე პლატფორმა, სადაც გარემოსდაცვითი საკითხები განიხილება პროფესიონალურ, შემეცნებით  და პრაქტიკულ ჭრილში. სტუდია აერთიანებს ექსპერტებს, სახელმწიფო და კერძო სექტორის წარმომადგენლებს, სამოქალაქო საზოგადოებასა და ახალგაზრდებს, რათა ერთობლივად შეიქმნას ცოდნა, გამოცდილება და ინიციატივები, რომლებიც რეალურ ცვლილებებს მოიტანს.

მთავარი მიზანია საზოგადოებისთვის ისეთი ინფორმაციის მიწოდება, რომელიც ხელს შეუწყობს პასუხისმგებლიანი ქცევის ჩამოყალიბებას, ნარჩენების სწორ მართვას, რესურსების ეფექტიან გამოყენებასა და წრიული ეკონომიკის პრინციპების დანერგვას.

გვჯერა, რომ გარემოზე ზრუნვა ადამიანზე ზრუნვას ნიშნავს. სუფთა გარემო, უსაფრთხო წყალი, სუფთა ჰაერი და სწორად მართული ნარჩენები ჯანმრთელი საზოგადოების საფუძველია. სწორედ ამიტომ „ეკო-მედია“ იქნება სივრცე, სადაც ცოდნა, ინოვაცია და თანამშრომლობა გაერთიანდება საერთო მიზნისთვის – შევქმნათ უფრო სუფთა, ჯანმრთელი და მდგრადი მომავალი.