გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი მწარმოებლის გაფართოებული ვალდებულების (მგვ) ორგანიზაციების წარმომადგენლებს შეხვდა.
აღნიშნულ შეხვედრას ესწრებოდნენ : ,,ნარჩენების მართვის ბიზნეს ასოციაციის” პრეზიდენტი, ბაკურ ხუნდაძე, ასოციაციის აღმასრულებელი დირექტორი, ვანო მთვრალაშვილი და საზოგადოებასთან ურთიერთობის სამსახურის უფროსი, სანდრო ვეფხვაძე.
შეხვედრაზე ნარჩენების შეგროვება-გადამუშავების მიმართულებით ორგანიზაციების მიერ განხორციელებული სამუშაოები, მიღწეული შედეგები და გამოწვევები განიხილეს. ხაზი გაესვა გადამამუშავებელი მსხვილი საწარმოს შექმნის, თანამედროვე ტექნოლოგიების შემოტანა-დანერგვის და წარმოებული პროდუქციის სარეალიზაციო ბაზრების მოძიების მნიშვნელობას.